الثلاثاء، 11 نوفمبر، 2008

مهزله ....


اول شيء مبرووك على الشعب الكويتي ذكرى دستور الكويت و لووو اني متاخر بس الشغل و ما يسووي و الدراسه بعد :(

ادعوولي اعدي هالسنه بخير بدوون مشاكل مع الادارة الدكتاتوريه ...:"


المهم المووضوع الحين راح ادش فيه و ماراح اطوول عليكم بيت القرين اتقوول انها معارضه بس المصيبه و الطامه الكبرى ان الحين احنا قاعدين انشووف شيء واضح و الكل عارفه و بكل بساطة و باحرف بسيطه الوحد يقدر ايعبر على الي قاعد يصير مهزله شلوون ...

يعني اليووم انشووف نجره حق النواب بسبب الدواوين و اصحاب الدماء الزرقاء السلفيه القحه يريدوون انشاء دوانيتان لوول جني صج باللغه الفصحى المهم يبوون يخلون دوانيتني بالمنطقه وحده حق الشباب و وحده حق الشياب و شوي شوي ايقولون نبي وحده بعد حق الحريم وممنوع يتيمعوون ببيوتهم ..

يعني شنوو المانع ان ما تكون في رسووم و يكون في دخل حق الدوله و الي ما يلتزم يتم ازالة هذي الدوانيه و طبعا اهني راح اتكون المساله قانونية و ما فيها اي تعديات لان اساسا احنا ما نرضى على تعديات المال العام او اراضي الدولة ..

المهمة المهزله الكبيره طبعا انا قلت عن المهزله الاولى لاني منقهر منها وايد و منقث و ماشالوا دوانيتي لاني موو متعدي :)

انرد حق محوور حديثنا المهزله الثانيه و الكبيره وايد و المصيبه الي انصدمت منها ليمه اكون قاعد بالمحاضره و ادش دكتورة المادة و بنفس الوقت الزميله الصحفيه و الاعلاميه ماراح اقوول اسمها و تصدمني بخبر ان اهي حاطينها في لستت الصحفيين المعارضه و الاهم من هذا اني متابع كتاباتها كلها و ما لقيت فيها اي معارضه بس لانها كتبت عن التعليم العالي و ادارة وزيرة التربية فتم تحويلها للتحقيق و سولها قصه مالها اول و لا تالي و كان الكويت موو بلد ديمقراطيه و مؤسسات و صحافتنا فيها كل الحريات و النقد ..

تخيلي بيت القرين باجر يحولونج تحقيق بس لانج قاعده تكتبين رايج باي قضيه كانت ..

طيب وين الحريات و ين حرية الصحافه و القلم الحر وله بس خلاص اغترينا بان احنا احسن دوله في صحافه و حرية و كتابه ..

والله يبا زين الكويت صار فيها لسته صحفيين معارضه و يتم مراقبتهم و شوي شوي بيقولون تم القبض على الصحفي الفلاني لانه كاتب ضد دوامه او غيره ...

و يقوولن المستقبل مشرق للكويت و يقوولون لا تخافوون ..

و المهازل كثيره وراح تستمر بتقدم موو صج ...

و المضحك المبكي ليمه قريت تصريح الميع ان اموجه 22 سؤال لوزير الداخليه حسسني انه توى داش المجلس عيل شخليت حق سعدون و عسكر ؟؟

والان بدء مهرجان التكسبات الانتخابيه البحته بما ان حل المجلس قرب ...

و بالختام احلا الاماني و اطيب التحيات و ادعولي مت تيرمات ....

هناك تعليق واحد:

Miemie يقول...

عن المهزلة الاولى: المجلس رفض قانون الديوانيات، يعني ماكو ديوانتيين، يعني بيستمرون بحملة الازالة والله يخليلك ديوانتك p:
والمهزلة الثانية:اذا المسؤولين مو محترمين دستورنا اللي كافل حرية التعبير وضاربينا بالطوفة، فابشرك ديرتنا (الديمقراطية) رح تصير مصر او سوريا ثانية sooner than soon

nice blog :)